August 27th

Chloe Monita.

Dum fastu me, Chara Chloe! fas præter et æquum

Subruis, et reficis spe, cruciasque metu ;

Deperdis, lætæ quod amœnum est omne Juventæ

Inque senectutum triste reponis opus [Bourne has 'onus' sw]:

Forma brevis, dicis, flos est ætatis, amorque

Rebus, quæ pereunt, ortus et ipse perit;

Hoc tibi persuades, sed re modo dicta probâris?

Quam male persuades, experiendo Scies.

Ut sit perpetuus, formâ qui nascitur, ut sit

Mutuus, officiis crescere debet Amor:

Sunt blandi risus primordia Lucis; amore

Tum modo, cum fruimur, fulget aperta dies.

Si tibi Nox tenebris illos obvelat [Bourne has 'obvelet' sw] ocellos

Qui tam Jucundum nune rutilumque nitent;

Si totum eripitur [Bourne has 'eripiat' sw] Cælum caligine; Quanta

Dicemus memores, Lux aliquando fuit.

Darbeium [Bourne has 'Darbæum' sw] En vetulum vetulâ cum Conjuge ! vitam

Quam placidè infirmam [Bourne has 'infirmum' sw] par, et amanter agunt !

Blæsa Illa est oculis, et Crura Hydropicus ille

Vix trahit; at neutri neuter abesse potest. [Bourne has 'at letho majus abesse malum est' sw]

Gressibus invalidis reptat cum Cunjuge Conjux [Bourne has 'conjux cum cunjuge reptat' sw]

Aut simul Apricans considet ante fores.

Cumque Ille extremum Cyathi destumpserit haustum,

Deponit, certâ lege, Joanna Tubam [Bourne has 'tubum' sw].

Cum nulla utrivis, quicquid delinquit utervis

Corporis excusent ingenijve bona;

Quas esse aut illi Veneres, aut Conjicis illi?

Unde fit, alterius tam sit ut alter Amans?

Dulce recordari est actos felicitèr annos

Quàm sensim ad canam consenuêre fidem;

Inde sacrum fœdus, firmoque est copula nexu,

Qua melius terris Dii tribuêre nihil.

Longum, illa in longum quæ nulla aboleverit ætas

Nullaque morborum vis, Monumenta manent;

Namque Decor simul omnis abest, et gratia formæ

Fitque, quod ætatis restat, amoris Hyems;

Crescit amicitiæ sauvis reputantibus usus

Quàm vel adhuc grati præteriêre dies;

Quæque retardari possunt per nulla Senectæ

Frigora, perpetuo Gaudia fonte fluunt.

Finis